Edhe pse nuk arriti finalen në garën e vallëzimit "Dancing with the Stars” për të cilën shpresoi mjaft, përsëri nuk ndihet e zhgënjyer. Ajo gjatë kohës së qëndrimit të saj në Tiranë, realizoi këngën më të re, të titulluar "Ti po don”, dhe tani ka nisur edhe xhirimet e videoklipit. Për më shumë rreth përvojës së saj në "Dancing with the Stars” dhe projektet e rejaKastriote Bajrami
Edhe pse nuk arriti finalen në garën e vallëzimit "Dancing with the Stars” për të cilën shpresoi mjaft, përsëri nuk ndihet e zhgënjyer. Ajo gjatë kohës së qëndrimit të saj në Tiranë, realizoi këngën më të re, të titulluar "Ti po don”, dhe tani ka nisur edhe xhirimet e videoklipit. Për më shumë rreth përvojës së saj në "Dancing with the Stars” dhe projektet e reja flet për "Zërin”.
Cila ishte përvoja juaj në "Dancing of the Stars”?
Pjesëmarrja ime në "Dancing with the Stars” mund ta përshkruaj si përvojën time më të bukur gjatë tërë karrierës sime. Kam kaluar tre muaj në këtë garë vallëzimi dhe kam përjetuar çaste që s’mund t’i harroj kurrë.
Edhe pse është folur se do të arrini në finale, një gjë e tillë nuk ndodhi, jeni e zhgënjyer?
Jo, tani për tani më ka kaluar tërë ajo mërzi apo zhgënjim nëse mund ta quaj. Të them të drejtën atë natë që u diskualifikova nuk e prisja, sepse deri në momentin e fundit kam marrë shumë kritika të mira nga juria. Mirëpo, ja që ndodhi dhe tani ndihem krenare që përfaqësova Kosovën në një garë të vallëzimit profesional.
Edhe pse nuk arrita fitoren, unë misionin tim e kam kryer dhe kështu fare nuk preokupohem për këtë. Kam thënë edhe më parë se kjo është një garë në të cilën vetëm njëri duhet të fitojë, andaj të them të drejtën nuk kam shkuar në këtë garë vetëm për të fituar, por në një mënyrë edhe për ta mësuar vallëzimin profesional.
Kush sipas jush duhet të fitojë?
Unë e konsideroj se në këtë garë vallëzimi ka pasur shumë vallëzues të mirë, madje profesionistë të shquar. Mirëpo, unë mendoj se çmimin meritor është dashur ta marrë Olsa Bizari edhe pse është diskualifikuar nga gara. Ajo për mua është një vallëzuese e denjë dhe profesioniste.
Në opinion është folur për një lidhje tuajën me Big Bastën, cila është e vërteta?
E kam kuptuar se gjatë qëndrimit tim në Tiranë kanë qarkulluar mjaft thashetheme, mirëpo e vërteta është se unë nuk kam asgjë me Big Bastën. Thjesht kemi një shoqëri dhe asgjë më shumë, madje as që mund të ndodhë dashuria mes nesh.
Nëse do të takoheshe me djaloshin e ëndrrave tuaja në Tiranë, do pranoje të jetoje atje?
Për mua nuk është e rëndësishme vendi, është njësoj si në Tiranë apo në Kosovë. Kryesorja është të gjej djaloshin që më përket mua, më bën jetën të lumtur dhe më përkrah në çdo aspekt.
Tani keni realizuar edhe një këngë të re, sa jeni e kënaqur me këtë projekt?
Përderisa qëndroja në Tiranë realizova edhe një këngë të re me Florin. Kënga titullohet "Ti po don” që besoj se do të pëlqehet nga publiku. Tani kam nisur xhirimet e videoklipit dhe sapo të përfundoj do të lansohet në treg. Klipi do të jetë veror i gjiruar në bregdet, mirëpo nuk mund të flas më shumë rreth tij sepse dua që të mbetet surprizë për publikun.
Do të keni edhe këngë të tjera gjatë sezonit veror?
Padyshim se do të ketë, mirëpo përveç këngëve unë jam e angazhuar edhe me turne brenda dhe jashtë vendit, dhe më duhet të jem e gatshme për një verë të nxehtë gjatë këtij viti.
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania. comments powered by Disqus
Top Filmat për këtë javë
The Lion King 3D
Johnny English Reborn
The Three Musketeers 3D
Footloose
Real Steel
Contagion
Paranormal Activity 3
The Adventures of Tintin: The Secret of the Unicorn 3D
Logged in as Guest | Group "Guests"Welcome Guest | RSS
Edhe pse nuk arriti finalen në garën e vallëzimit "Dancing with the Stars” për të cilën shpresoi mjaft, përsëri nuk ndihet e zhgënjyer. Ajo gjatë kohës së qëndrimit të saj në Tiranë, realizoi këngën më të re, të titulluar "Ti po don”, dhe tani ka nisur edhe xhirimet e videoklipit. Për më shumë rreth përvojës së saj në "Dancing with the Stars” dhe projektet e rejaKastriote Bajrami